پاکستان کرکٹ بورڈ کے سابق چیف آپریٹنگ آفیسر شفقت نغمی نے کہا ہے کہ محمد آصف کیس کی رپورٹ پی سی بی کے پاس ہے اور انہیں حیرت ہے کہ پی سی بی کے موجودہ حکام اس کی موجودگی سے کیوں انکار کررہے ہیں۔
واضح رہے کہ محمد آصف گزشتہ سال بھارت سے پاکستان آتے ہوئے دبئی ائرپورٹ پر ممنوعہ قوت بخش شے کی برآمدگی پر انیس روز حراست میں رکھے گئے تھے جس کے بعد انہیں ڈی پورٹ کردیا گیا تھا اور دبئی حکام کی اس کیس سے متعلق دستاویز میں درج ہے کہ وہ آئندہ متحدہ عرب امارات میں داخل نہیں ہوسکتے۔

ملائشیا میں ایشین ہاکی فیڈریشن کی کانگرس کے سنہ 2008 کے اجلاس میں پاکستان کی ہاکی ٹیم کے سابق کپتان اور سنٹر فارورڈ ریحان بٹ کواس سال کا ایشیا کا بہترین کھلاڑی قرار دیا گیا۔
پاکستان ہاکی فیڈریشن کے سیکریٹری آصف باجوہ جو اس اجلاس میں شرکت کر رہے تھے انہوں نے ریحان بٹ کی جگہ ان کا یہ ایوارڈ وصول کیا۔

پاکستان کرکٹ بورڈ کے چیف سیلیکٹر، عبد القادر نے کہا ہے کہ سری لنکا کے خلاف سیریز کے لیے پاکستان کی مضبوط ٹیم تشکیل دی جائے گی۔