گجنی کی ریکارڈ ساز کامیابی نے ثابت کر دیا ہے کہ بالی وڈ میں عامر خان کا ثانی نہیں
نئے سال کے پہلے ہفتے میں بھلے ہی اب تک کوئی بڑے بینر کی فلم ریلیز نہ ہوئی ہو پر بالی وڈ اسٹار عامر خان کی گذشتہ سال دسمبر میں ریلیز ہوئی ہٹ فلم گجنی باکس آفس پر کامیابی کے تمام ریکارڈ توڑ نے کی راہ پر گامزن ہے۔

بھارتی فلموں کی تاریخ میں گجنی پہلی ہندی فلم بن گئی ہے جس نے ریلیز کے دو ہفتوں میں عالمی سطح پر 200 کروڑ روپے کا کاروبار کیا ہے۔ فلم میں ویلن کا نام گجنی ہے اور اُسی بُرے کردار پر فلم کا ٹائیٹل گجنی رکھا گیا جو کہ اب ہندی فلم انڈسٹری کی سب سے بڑی ہٹ فلم بن گئی ہے۔

ہالی وڈ میں  اتوار کی شام ہونے والی گولڈن گلوب ایوارڈز  کی تقریب میں سلم ڈاگ ملینیئرکو سب سے زیادہ اعزازات سے نوازا گیا۔  اس فلم کی کہانی کا تعلق بھارتی شہر ممبئی سے ہے۔  اس فلم کے موسیقار اے آر رحمٰن کو بہترین  موسیقی کے ضمن میں انعام سے نوازا گیا۔

گولڈن گلوبز کے ایوارڈز کا فیصلہ ہالی وڈ میں تقریباً 90 غیر ملکی صحافی کرتے ہیں۔فلم انڈسٹری ان ایوارڈز کو بہت اہمیت دیتی ہے کیونکہ یہ انتخاب بعض اوقات سب سے اہم فلمی ایوارڈ آسکر  کے رجحان کی نشان دہی کرتا ہے جو فروری میں دیے جاتے ہیں۔

  نئی دہلی .. . . . . . .امریکی صدر بش کو الوداع کے لئے بھارتی فلم انڈسٹری کی جانب سے ایک فلم بنائی گئی ہے۔جس کا نام بش آرہا ہے رکھا گیا ہے۔امریکی صدر بش کی مدت ملازمت تو کیا پوری ہونے لگی۔،دنیا بھر میں ان کے الوداعی تقریب مختلف انداز سے دی جانے لگی ہے۔کہیں صدر بش کو جوتے کھینچ کر مارے جاتے ہیں تو کہیں ان کے لئے الوداعی فلم بنائی جاتی ہے۔بھارتی فلم ڈائریکٹر کنال رائے نے بش آرہاہے کہ نام سے اپنی نوعیت کی ایک منفرد فلم بنائی ہے 

راولپنڈی (ندائے وقت مانیٹرنگ سیل)پاک بھارت  تعلقات میں حالیہ  تناؤ  کے باوجود، معروف پاکستانی اجوکہ تھیٹر گروپ کے فنکاروں کا ایک وفد پیر کو بھارت روانہ ہو رہا ہے جہاں مختلف شہروں میں   جاکر اپنا مقبول ڈرامہ 'بُلہا' پیش کرے گا۔