لاہور (ندائے وقت ) لاہور ہائیکورٹ نے صدر آصف علی زرداری کی طرف سے صوبہ پنجاب میں گورنر راج کے نفاذ کے خلاف درخواستوں کو باقاعدہ سماعت کے لئے منظور کر لیا ہے۔ یہ حکم ہائی کورٹ کے مسٹر جسٹس آصف سعید کھوسہ نے گورنر راج کے خلاف ایک ہی نوعیت کی دو درخواستوں پر ابتدائی سماعت کے بعد دیا۔

اسلام آباد (ندائے وقت) مشیر داخلہ رحمن ملک نے کہا ہے کہ لاہور حملے کی ابتدائی تحقیقاتی رپورٹ چوبیس گھنٹوں میں منظر عام پر آ جائے گی۔ اسلام آباد میں میڈیا سے گفتگو میں مشیر داخلہ کا کہنا تھا کہ لاہور میں لبرٹی چوک پر سری لنکن ٹیم پر ہونے والے حملے میں غیر ملکی ہاتھ بھی ملوث ہو سکتا ہے۔ انہوں نے کہا کہ لاہور حملے ملک کے خلاف سازش ہیں اور ملزمان کو کیفر کردار تک پہنچایا جائے گا۔

پشاور + مردان (مانیٹرنگ سیل ) پشاورمیں پشتو شاعر و عظیم صوفی بزرگ رحمن بابا کے مزار پر 5دھماکے ہوئے جس سے مزار کی عمارت کو خاصا نقصان پہنچا۔ دھماکو ں کے بعد لوگ مشتعل ہوگئے اورلوگوں نے پشتو کے عظیم صوفی شاعر کے مزار کی بے حرمتی پر شدید مذمت کی۔ یو سی ناظم کے گھر اور پولیس چوکی پر نامعلوم افراد نے بیس سے زائد راکٹ داغے ہیں تاہم کوئی جانی نقصان نہیںہوا۔ ادھر مردان کے علاقہ تحت بھائی میں سی ڈیز مارکیٹ میں یکے بعد دیگرے تین دھماکوں سے بیس کے قریب دوکانیں تباہ ہو گئیں۔ تفصیلات کے مطابق

واشنگٹن  (خالد حمید خان)پاکستان اور افغانستان میں بہت سے لوگوں کا خیال ہے کہ اگرچہ اوباما انتظامیہ کی خارجہ پالیسی میں یہ خطہ اولین ترجیح رہے گا لیکن انہیں یہ  توقع ہے کہ خطے کے لیے موجودہ امریکی پالیسیوں میں نمایاں تبدیلی آئے گی۔

واشنگٹن  (خالد حمید خان) خلیج گوانتانامو میں امریکی بحریہ کے اڈے پر پیر کے روز اُن پانچ آدمیوں میں سے دو نےقبل از مقدمہ سماعتوں میں بالواسطہ طریقے سے اپنے جرم کا اعتراف کیا، جن پر 2001ء میں 11ستمبر کو امریکہ میں دہشت گردوں کے حملوں کا منصوبہ بنانے کا الزام ہے۔