اردو مشاعرے ہماری ادبی و تہذیبی روایت کے امین اور ہماری لسانی بیداری کے عکاس ہیں۔ مشاعروں کی ایک الگ تہذیب ہے، ایک الگ رنگ ڈھنگ ہے۔یہ تہذیب ہمیں اس بات کی یاد دلاتی ہے کہ اگر ہمیں اپنی زبان اور شعری سرمائے کا تحفظ عزیز ہے تو ہمیں معیاری مشاعروں کے انعقاد اور ان میں شرکت سے گریز نہیں کرنی چاہئے۔لیکن یہ بھی ایک حقیقت اور تلخ حقیقت ہے کہ اب عوامی مشاعروں کا معیار انتہائی پست ہو تا جا رہا ہے اور ایسے ایسے لوگ بھی شاعر کی حیثیت سے ان میں شرکت کرنے لگے ہیں جو نہ تو اردو زبان سے واقف ہیں اور نہ ہی شعری روایت سے

نئی دہلی (فارن ڈیسک)نامورادیب، محقق اور دانش ور پروفیسر گوپی چند نارنگ ابھی ایک عشرہ کراچی اور لاہور میں گزار کر نئی دہلی واپس آئے ہیں۔ ممبئی کے دہشت گردانہ واقعات کے وقت وہ کراچی میں تھے اور کراچی آرٹس کونسل میں منعقدہ سیمنار میں اظہار خیال کر رہے تھے ۔ جو غالب، جوش، جان ایلیا اور مخدوم محی الدین کے حوالے سے منعقد کیا گیا تھا ۔ جس میں پاکستان کے ایک سو سے زائد معروف ادبا اور شعرا صحافیوں اور قلم کاروں کے علاوہ بھارت کے 12 اصحاب نے شرکت کی تھی۔

نئی دہلی (فارن ڈیسک)ممبئی حملوں کے بعد بھارت اور پاکستان کے درمیان پیدا ہونے والی کشیدگی سے نہ صرف دوطرفہ امن عمل کونقصان پہنچا ہے، بلکہ دونوں ممالک کے درمیان ثقافتی رشتوں کو بھی دھچکا لگا ہے۔
اسی سلسلے میں بین الاقوامی شہرت یافتہ غزل گائیک غلام علی کو بھارت آ کرراجگیرمہوتسومیں اپنے فن کے جوہر دکھانے سے روک دیا گیا ہے۔ 

 کراچی (خصوصی رپورٹ)سندھی زبان کے شاعر تاج محمد عرف تاجل بیوس کراچی میں انتقال کر گئے ہیں۔ان کی عمر ستر برس تھی۔
گزشتہ دنوں تاجل بیوس کی دماغ کی نس پھٹ گئی تھی جس کے بعد وہ مقامی ہسپتال میں مسلسل کوما میں رہے، جہاں سنیچر کی صبح ان کا انتقال ہوگیا۔